Jumat, 07 Desember 2012

SIBUKUANG KANA LABBIRI

Lontara tulusukna cucunta karaeng
Mange taddongko ri kalabbirangna
Antokku Haji Marzuki Daeng Tojeng
Ri tampak kasannanganna ri anja
Ia .minne karaeng……………
Pappiukrangi battu ri cucunta
Ku sukkuruk pangngamaseang
Siagang kuturukinna pappakaingatta

Ia mine lontara tulusuk tamaminra
Mammumba ri pakmaik malannying
Na maciknong tena salibanra
Ninanro laloji taddongko ri kalabbirang

Pappakaingatta Karaeng
Kupareki jima na kualle rapangi niakki ri ampikku
Ku bella ri setang akpaklingua
Ku mambani ri sikamma gauk mannabayya

Iami sabakna
Nakubolik ilalang panrannuangku
Ki pammopporanga……!
Ri kana tassulibbakku karaeng
Ia ammanrakia pakmaik

Sikamma minne
kana battu ri cucunta
I Munassir Daeng Lira
Salamak


Jeneponto, 30 Juli 2010
By : Munassir Toing

Ditulis Oleh : MDZ // 12/07/2012 11:53:00 PM
Kategori:

0 komentar:

Posting Komentar

 

Puisi Kritik Pemerintah

Puisi Chairil Anwar

Puisi Islami